去過歐洲嘅朋友都知道,巴士係歐洲旅行最平嘅跨國交通之一。而Flixbus就係而家係歐洲最大嘅長途巴士公司。

目前Flixbus不單止係熱門嘅旅遊城市發展業務,大部分歐洲中大型城鎮都有Flixbus巴士車站,包括德國、法國、意大利、荷蘭、波蘭、捷克、丹麥、瑞典、挪威、瑞士、西班牙、葡萄牙、匈牙利、奧地利、克羅埃西亞、白俄羅斯等國家。 其中又以德國的路線最多最平。

除左平之外,搭Flixbus 真係幾方便。因為Flixbus 班次頻繁、雖然站點很多,但連接各城市中心的路線幾乎都有直達車,唔洗轉車。 Flixbus 係一個城市設有多個站點,住係較偏遠地區的旅客,搭車唔洗去返市中心。

唯一缺點係行駛時間通常比較長,跨國至少5小時起跳,舒適度亦都比火車差。

經過幾年時間,Flixbus母公司收購左大量其他歐洲巴士公司品牌,包括MeinFernbus、Megabus、Postbus、Eurolines等等,Flixbus係歐洲巴士市場一家獨大,幾乎連接歐洲所有城市,每日有超過30萬班次,覆蓋超過1700個站點。而且好多都是最平嘅選擇, 搭Flixbus 嘅費用大多係一般機票或火車票價錢1/3。如果坐夜班Flixbus,可以慳埋住宿費。

舉個例子,由柏林去漢堡呢條熱門線路中,我地可以睇到,最平甚至只需要Eur 4.99!當然,大部分車飛都係Eur 9.99。

同一時間,坐火車由柏林去漢堡嘅ICE列車最平Eur 19.90,臨近出發日期先買飛價錢可能要高達Eur 80。

係下方點擊Search,即可搜尋由Berlin柏林去Hamburg漢堡嘅Flixbus。

熱門路線

  • Bremen不萊梅 – Hamburg漢堡 – 1h25min – € 4.99起
  • Munich慕尼黑 – Salzburg薩爾茨堡 – 2h – € 4.99起
  • Munich慕尼黑 – Prague布拉格 – 4h35min – € 19.99起
  • Paris巴黎 – London倫敦 – 8h35min – € 14.99起 (歐洲之星同一時間最低價格為€ 64)
  • Amsterdam 阿姆斯特丹 – Paris巴黎 – 6h40min – € 18.99起
  • Paris巴黎 – Lyon里昂 – 5h35min – € 0.99起
  • Frankfurt法蘭克福 – Milan米蘭 – 10h45min – € 19.99起
  • Milan米蘭 – CHAMONIX夏蒙尼(白朗峰)- 3h55min – € 7.99起

係下方點擊Search,即可搜尋由Munich慕尼黑去Prague布拉格嘅Flixbus。

車內設施

① Wi-Fi:Flixbus全部路線都有,但設有150MB 流量限制。

② 充電設備:部分Flixbus沒有。

③ 行李:一件隨身及一件寄艙行李, 設有重量/大小限制,但基本上不會檢查。

④ 廁所:Flixbus車上嘅廁所良莠不齊,乾淨,臭,冇廁紙、沖唔到廁等等,因此建議第一次去廁所時拎埋手機(手電筒)、廁紙同濕紙巾。

⑤ 單車:大部份Flixbus容許乘客攜帶標準尺寸的自行車(最大重量20公斤)。預訂時,係選擇乘客數量嘅時候,選擇您需要攜帶的單車數量就得。

⑥ 攜帶輪椅、嬰兒車,需要提前48小時打電話比Flixbus 安排。

訂票

Flixbus可以預先係網上訂票、APP訂票,亦可以係現場買票,但係現場買票好有可能會冇位,而且大多Flixbus站點唔提供現場買票。

由於Flixbus係按剩餘車票數量/班次熱門程度黎決定價格,建議如果可以提早買,早啲買會好啲。網上/APP上嘅訂票,都會收到一封確認信,打印出黎或者儲存係手機中,就係車票黎!

目前,Flixbus官網只有歐洲地區的語言,冇中文。係FlixbusAPP直接買票,一方面會收取額外手續費;另一方面,如果遇到班次取消或者訂票過程中出現任何問題,客服都係英/德文,溝通唔到係一大問題。

呢度推薦大家通過G2rail官網訂票,或者係XmoveAPP,您可以揀你慣用語言,支持信用卡、微信、支付寶多種支付方法。

同一個城市可能會有兩到三個FlixBus站,建議係買飛前先睇一睇住宿位置,選擇最近嘅站,唔一定要揀在係中心/主站的車站,千祈唔好直接揀最平既巴士站!搜尋Flixbus站位置可以在係google map 上直接打Flixbus站既英文名。

車票

訂購車票後,會收到郵件,入面有兩份文件,Pdf電子票和二維碼(QR code)手機票。另外二維碼手機票也會以短信形式發送到手機。使用XMove App,只需掃瞄二維碼(QR code),就可以直接係App睇到所有車票。

電子票(Pdf)
收到Email後記得打印車票,或者儲存係手機入面,上車前比司機掃瞄二維碼(QR code)驗票。

車票詳情

由Milan去Chamonix Eur 9.9 車票

二維碼(QR code)手機票

行李條

打印出來再按圖示折疊,固定到行李手把,填好資料。

如果怕磨損,那就先係外面包幾層透明膠紙,之後再固定上行李上手把。

退票及更改

Flixbus係唔可以更改時間嘅。如果要更改,需要先退票再重新訂票。退票退比你嘅錢會以優惠券嘅形式發送到郵箱。供下次訂票時使用。也就是說,下次訂票,如果使用這個優惠券,其他優惠就不能同時使用。

關於退票嘅費用,係取決於你取消個日離出發日期嘅天數。

  • 提前30天(含30)以前取消, 免費
  • 提前14-30天(含14),Eur 1
  • 提前3-14天(含3), Eur 3
  • 提前3天內,Eur 5

其他貨幣購買的車票,按其他貨幣計算。

車票可以更改乘車人名字和聯繫方式。更改聯繫方式/姓名免費,如果車票此時比購買時要貴,需要補回差價。

搭車

① 查詢巴士站所在位置

同一個城市可能會有兩到三個FlixBus站,時間、票價都會有所不同。一定要先到google map查一查巴士站與你主要活動範圍的距離,以免得哂更多時間同金錢係來回Flixbus巴士站上。

② 路況因素

Flixbus基本上都算準時,但始終係陸路交通,避免唔到塞車、封路等突發情況,所以連接Flixbus既行程安排唔好太緊湊。

③ 開車前15分鐘到巴士站

係官方標註的時間15分鐘前到達,多數巴士唔會咁早黎到,但我都係建議大家提早到,因為可以先揀位! Flixbus 巴士站同一時間會有多部巴士停泊,請查看車票上既巴士車號。到達巴士站後,留意站台信息/App中既路線追踪,查看您要搭既巴士停係邊個站台。

472 係巴士車號

④ 綠色貼紙

網上訂票係冇訂位既,上車要注意坐係綠色貼紙座位(行李架上既座位號碼前會有貼紙)。有許多人以為全車都冇劃位,但其實有綠色貼紙先係可以冇人預訂既座位。有好多乘客被有訂位既人叫返起身,如果想同朋友一齊坐一定要睇清楚啦!

⑤ 揀位技巧

建議唔好坐係靠近司機既前排以及廁所附近,呢啲地方好容易被人打擾,中途有乘客上落車可能受到冷風吹及燈光打擾。另外,建議考慮座位有冇空間躺平,例如座位後有冇人坐。

⑥ 搭車前30分鐘留意app:前面都有講過,路況因素會產生好多不確定性,所以搭車前30分鐘可以開啟app你班車既路線追踪,確認一下巴士係唔係會準時抵達或有咩改動,就唔洗係一直巴士站等!

⑦檢查護照:跨國巴士有時上車前車長會要求檢查護照,過境時也會隨機上車檢查。因此,唔好將護照放係行李或者背包太入面。

驗票

搵到司機展示您車票上既二維碼( QR code),例如車票PDF文件(內含二維碼),或者郵箱的訂單郵件,同自己既旅行證件就可以上車。

每班車都有自己既編號,大家唔好問班車去唔去邊度,主要係睇訂單上既車號啱唔啱因為係同一時間經過同一個城市既Flixbus 非常多。

一班車可能會經過好多個城市,司機有機會根據您既目的地請您坐係邊幾行既座位。

落車

司機到站前會用英文廣播下一站既站名,就算識英文都唔一定聽得明。建議係google map 先睇好要落車既站,也可以去比司機睇一下車票係唔係呢一站落車。

停站後,司機會打開行李倉,記得拎返行李!

注意事項

①  如果大家下車既站係比較靠近終點站,請注意一下比你早落車既人有冇拎錯行李!或者係大站可以跟著落車確認行李係唔係度。盡可能將貴重物品以及現金隨身存放。

② 搭長途巴士必備物品:頸枕、眼罩、耳塞、食物都是基本,記得帶水,訓到一半口乾舌燥或肚餓,車上不提供食物及水。另外建議用腰包,防人之心不可無,訓著時容易被有心人士盯上,用腰包將重要物品都放在入面就可以安心訓啦!

③ 長途班次會有兩位司機輪更,Flixbus強制要求駕駛不得連續開車超過一定時數,唔洗擔心安全問題。

④ 大多路線行得幾平穩,容易暈車浪既人都反映係巴士上並冇感到不適,但建議預備暈車藥以防萬一。

⑤ 除熱門路線、熱門時間及過夜巴士外,基本上Flixbus都唔會賣哂,車上唔會好迫,大致上坐得幾舒服,一個人可以用兩個座位。

⑥ 唔好太依賴巴士既充電及Wi-Fi設備,有可能巴士上既某些電源插座已經壞左。Wi-Fi係郊外高速公路也未必穩定,甚至根本上唔到網。

搜索訂購Flixbus車票, 可以訪問 www.euronbus.com,或者下載XMove App。

了解更多国际铁路

分类: 未分类

0 条评论

发表评论

电子邮件地址不会被公开。 必填项已用*标注